چھوڑ يورپ کے ليے رقص بدن کے خم و پيچ
روح کے رقص ميں ہے ضرب کليم اللہي

صلہ اس رقص کا ہے تشنگي کام و دہن
صلہ اس رقص کا درويشي و شاہنشاہي

طريق اہل دنيا ہے گلہ شکوہ زمانے کا
نہيں ہے زخم کھا کر آہ کرنا شان درويشی

يہ نکتہ پير دانا نے مجھے خلوت ميں سمجھايا
کہ ہے ضبط فغاں شيری ، فغاں روباہی و ميشی

ميں شعر کے اسرار سے محرم نہيں ليکن
يہ نکتہ ہے ، تاريخ امم جس کي ہے تفصيل

وہ شعر کہ پيغام حيات ابدي ہے
يا نغمہ جبريل ہے يا بانگ سرافيل

خودي بلند تھي اس خوں گرفتہ چيني کي
کہا غريب نے جلاد سے دم تعزير

ٹھہر ٹھہر کہ بہت دل کشا ہے يہ منظر
ذرا ميں ديکھ تو لوں تاب ناکي شمشير

وہ نغمہ سردي خون غزل سرا کي دليل
کہ جس کو سن کے ترا چہرہ تاب ناک نہيں
نوا کو کرتا ہے موج نفس سے زہر آلود
وہ نے نواز کہ جس کا ضمير پاک نہيں

پھرا ميں مشرق و مغرب کے لالہ زاروں ميں
کسي چمن ميں گريبان لالہ چاک نہيں

ہر چند کہ ايجاد معاني ہے خدا داد
کوشش سے کہاں مرد ہنر مند ہے آزاد
خون رگ معمار کي گرمي سے ہے تعمير
ميخانہ حافظ ہو کہ بتخانہ بہزاد

بے محنت پيہم کوئي جوہر نہيں کھلتا
روشن شرر تيشہ سے ہے خانہ فرہاد

زندہ دل سے نہيں پوشيدہ ضمير تقدير
خواب ميں ديکھتا ہے عالم نو کی تصوير
اور جب بانگ اذاں کرتي ہے بيدار اسے
کرتا ہے خواب ميں ديکھي ہوئي دنيا تعمير

بدن اس تازہ جہاں کا ہے اسي کي کف خاک
روح اس تازہ جہاں کي ہے اسي کي تکبير

فرت بھي عميق ، اس کي محبت بھي عميقاس کي ن
قہر بھي اس کا ہے اللہ کے بندوں پہ شفيق
پرورش پاتا ہے تقليد کي تاريکي ميں
ہے مگر اس کي طبيعت کا تقاضا تخليق
انجمن ميں بھي ميسر رہي خلوت اس کو
شمع محفل کي طرح سب سے جدا ، سب کا رفيق
مثل خورشيد سحر فکر کي تاباني ميں
بات ميں سادہ و آزادہ، معاني ميں دقيق

اس کا انداز نظر اپنے زمانے سے جدا
اس کے احوال سے محرم نہيں پيران طريق

عشق و مستي کا جنازہ ہے تخيل ان کا
ان کے انديشہ تاريک ميں قوموں کے مزار
موت کي نقش گري ان کے صنم خانوں ميں
زندگي سے ہنر ان برہمنوں کا بيزار
چشم آدم سے چھپاتے ہيں مقامات بلند
کرتے ہيں روح کو خوابيدہ ، بدن کو بيدار

ہند کے شاعر و صورت گر و افسانہ نويس
آہ ! بيچاروں کے اعصاب پہ عورت ہے سوار

ہے شعر عجم گرچہ طرب ناک و دل آويز
اس شعر سے ہوتي نہيں شمشير خودي تيز
افسردہ اگر اس کي نوا سے ہو گلستاں
بہتر ہے کہ خاموش رہے مرغ سحر خيز
وہ ضرب اگر کوہ شکن بھي ہو تو کيا ہے
جس سے متزلزل نہ ہوئي دولت پرويز

اقبال يہ ہے خارہ تراشي کا زمانہ
'از ہر چہ بآئينہ نمايند بہ پرہيز