Menu

Content

Breadcrumb

A+ A A-

تضمين بر شعر انيسی شاملو

 

ہميشہ صورت باد سحر آوارہ رہتا ہوں
محبت ميں ہے منزل سے بھی خوشتر جادہ پيمائی

دل بے تاب جا پہنچا ديار پير سنجر ميں
ميسر ہے جہاں درمان درد نا شکيبائی

ابھی نا آشنائے لب تھا حرف آرزو ميرا
زباں ہونے کو تھی منت پذير تاب گويائی

يہ مرقد سے صدا آئی ، حرم کے رہنے والوں کو
شکايت تجھ سے ہے اے تارک آئين آبائی

ترا اے قيس کيونکر ہوگيا سوز دروں ٹھنڈا
کہ ليلی ميں تو ہيں اب تک وہی انداز ليلائی

نہ تخم 'لا الہ' تيری زمين شور سے پھوٹا
زمانے بھر ميں رسوا ہے تری فطرت کی نازائی

تجھے معلوم ہے غافل کہ تيری زندگی کيا ہے
کنشتی ساز، معمور نوا ہائے کليسائی

ہوئی ہے تربيت آغوش بيت اللہ ميں تيری
دل شوريدہ ہے ليکن صنم خانے کا سودائی
''

وفا آموختی از ما، بکار ديگراں کر دی
ربودی گوہرے از ما نثار ديگراں کر دی

IIS Logo

www.DervishOnline.com

 

 

IQBAL DEMYSTIFIED - ANDROID APP